2023 yil 24 fevralь kuni soat 16:15 larda, Qarshi shahrida “NEW POWER GAZ CROUP-2” MChJga qarashli avtomobillarga gaz toʼldirish kompressor shahobchasida, fuqaro R.X.ga tegishli boʼlgan, “Neksiya-3” rusumli avtomobilga gaz toʼldirayotgan vaqtida, gaz ballonda portlash sodir boʼlgan.
Hodisa natijasida, tan jarohati olgan fuqarolar yoʼq. Аvtomobilь shikastlanib yaroqsiz holga kelgan.
Shuningdek, joriy yilning 25 fevralь kuni soat 11:00 larda, Samarqand shahar “KАMАLАK” MChJga qarashli avtomobillarga gaz toʼldirish kompressor shahobchasida, fuqaro H.D.ga tegishli boʼlgan, “Neksiya-3” rusumli, avtomobiliga gaz toʼldirayotgan vaqtida, gaz ballonida portlash sodir boʼlgan.
Hodisa natijasida, ushbu avtomobilning yonida boʼlgan shaxobcha ishchisi M.Z. olgan tan jarohatlari oqibatida voqea joyida vafot etgan. Аvtomobilь shikastlanib yaroqsiz holga kelgan. 
Ushbu holatlar yuzasidan surishtiruv harakatlari olib borilmoqda.