O‘zbekiston Respublikasi Bolalar ombudsmaniga
                                                      ​Murojaat 
Xorazm viloyati, Xonqa tumanida yashovchi fuqaro D.R.dan

Voyaga yetmagan farzandimga tan jarohati yetkazilganligi va Xonqa tumani IIB tomonidan surushtiruv ishlari paysaalga solinayotgandek 
​Hurmatli Bolalar omudsmani!
​Sizga ushbu murojaatim orqali voyaga yetmagan farzandimning buzilgan huquq va manfaatlarini himoya qilishingizni hamda amaliy yordam berishingizni so‘rab murojaat qilmoqdaman.
​Xorazm viloyati Xonqa tumanidagi yon qo‘shnim bilan muqaddam kelishmovchiliklar mavjud edi. Shu yilning 20-may kuni ushbu kelishmovchilik oqibatida qo‘shnilarimiz bo‘lgan uch nafar ayol biz bilan janjallashib, bizga nisbatan jismoniy kuch ishlatishni boshladi.

​Janjal davomida qo‘shni ayollardan biri qo‘lidagi kurak (lapatka) bilan qasddan foydalanib, 10 yoshli voyaga yetmagan farzandimga tan jarohati yetkazdi.
​Ushbu noqonuniy xatti-harakatlar yuzasidan zudlik bilan Xonqa tumani IIBga rasmiy ravishda yozma ariza bilan murojaat qilganman. Shuningdek, hodisa yuzasidan «1gap.uz» ijtimoiy tarmoq sahifalarida ham videoko‘rinishda murojaat e’lon qilganmiz.

​Afsuski, 2026-yilning may oyidan buyon o‘tgan vaqt mobaynida Xonqa tumani IIB tomonidan surushtiruv va tekshiruv ishlari paysalga solinayotgandek , masalaga qonuniy baho berilmay kelinmoqda va ushbu murojaat Bolalar ombudsmaniga ham yo‘naltirilmagan. Masala haligacha yechimsiz qolib, surushtiruv ishlari cho‘zib kelinmoqda.

​Yuqoridagilarni inobatga olgan holda, Sizdan:
​Voyaga yetmagan 10 yoshli farzandimga nisbatan qasddan tan jarohati yetkazilganligi holati yuzasidan Xonqa tumani IIB tomonidan olib borilayotgan surushtiruv ishlarini shaxsiy nazoratingizga olishingizni;
​Bola huquqlari hamda salomatligiga yetkazilgan zarar bo‘yicha aybdor shaxslarga nisbatan qonunchilikda belgilangan tartibda chora ko‘rilishini ta’minlashingizni;

​Voyaga yetmagan farzandimning qonuniy huquq va manfaatlarini himoya qilishda amaliy yordam ko‘rsatishingizni so‘rayman.