BILIM, TAJRIBA VA SINOV! 

XORAZM VILOYATI “KASB MAHORATI” MUSOBAQASINING RESPUBLIKA BOSQICHIGA MEZBONLIK QILMOQDA. Dunyoda kasblar ko‘p. Har bir kasbning o‘z sir-sinoatlari, mashaqqat va sinovlari bor. Shunday kasb egalaridan biri bu albatta energetiklar! Sababi bir kun ish jarayonida 15-20 marotaba rangsiz, xidsiz, ko‘zga ko‘rinmas elektr energiyasi bilan yuzma-yuz kelishadi. Bu esa o‘z navbatida doimo hushyorlik, bilim va tajribani talab etadi.  “Hududiy elektr tarmoqlari” AJda faoliyat yurituvchi xodimlar o‘rtasida mehnatni muhofaza qilish, ish jarayonida xavfsizlik texnikasi qoidalariga rioya qilish, shuningdek baxtsiz hodisalarning oldini olish maqsadida har yili tashkil etib kelinayotgan “Kasb mahorati” musobaqasining bu yilgi respublika bosqichiga “Xorazm hududiy elektr tarmoqlari” AJ mezbonlik qilmoqda. Besh kun davomida Toshkent shahar, Qoraqolpog‘iston Respublikasi hamda viloyat hududiy elektr tarmoqlari korxonalarida mexnat qilayotgan energetiklar o‘z bilim va tajribalarini sinovdan o`tkazishadi. Mazkur musobaqada taqsimlovchi tarmoqlar qurilmalarini ta’mirlash bo‘yicha ustalar, dispetcherlar, taqsimlovchi tarmoqlar qurilmalariga xizmat ko‘rsatuvchi elektromontyorlardan tashkil topgan jami 14 ta jamoada 120 nafardan ortiq xodimlar qatnashadi. Ayni vaqtda, Xorazm viloyatiga tashrif buyurgan musobaqa ishtirokchilari tantanali kutib olinmoqda.

“Xorazm HET” AJ matbuot xizmati.