Ijtimoiy tarmoqlarda "yosh bolalar orasida koronavirus infektsiyasi koʼpayib boryapti" mazmunidagi xabarlar tarqaldi.
Sogʼliqni saqlash vazirligi bu maʼlumotlarning haqiqatga zid ekanligini maʼlum qiladi.
Bolalar orasida oʼtkir respirator kasalliklar va koronavirusga chalinishning soʼnggi koʼtarilishi oʼtgan yil kuz oylariga toʼgʼri kelgan edi. Oʼsha paytda Zangiota yuqumli kasalliklar shifoxonasida bemorlar uchun 500 ta qoʼshimcha shifo oʼrni yaratilgan edi.
Hozir holat barqaror boʼlib, xastalanish koʼrsatkichlari keskin kamaygan.
Аgar bolalar orasida koronavirus yoki boshqa oʼtkir respirator kasalliklar ortishi kuzatilsa, bu boʼyicha rasmiy axborot beriladi.
Hurmatli yurtdoshlar! Qishki iqlim sharoitida farzandlaringizning salomatligiga, ayniqsa, kiyinishi va ovqatlanishiga jiddiy eʼtibor bering! Bu xildagi feyk xabarlarga ishonmang! 
Sogʼliqni saqlash vazirligi Matbuot xizmati.