Toshkent-Olmaota yoʼnalishi boʼylab parvozni amalga oshirgan "Air Astana" kompaniyasiga tegishli samolyot kuchli turbulentlik holatiga tushgani xabar qilindi. 
Qozoq nashlariga koʼra, oqibatida 7 nafar yoʼlovchi turli darajada tan jarohati olgan. Samolyot mahalliy vaqt bilan 16.45 da Olmaotaga qoʼndirilgan. Ekipaj aʼzolari jarohatlanganlarga birinchi yordam koʼrsatgan va aeroportda qoʼshimcha ravishda tez yordam mashinalari jalb qilingan.